Popular Bible Verses from Awaragasia 15

Share

Abong'okinet na inapaara eculi anyunyura, konye naka adedeng'u itunyokini anyunyura.

Ayong'ite Lokapolon erait akisisia alope. Tar ijo akiyapepera ering'a ijo kidumuna akibusesu.

Ang'ajepe na inapaara erait ekitoi loka akijar, konye akiro nukarokok ebilete emoyo.

Kodumutu acorasia kere nu ibeikini ijo adumun, ibuni ijo asoma kojokan; kemam, ibiror ijo.

Elakara itung'a, ibusakito akwena, konye ituriete kesi, ekadakito.

Itee Lokapolon nu isomasi kang'in laro; itee nesi oni, atikere esomaete oni nu ejoka kere nukarokok.

Ejokuna apalupalut ka ayong'ite Lokapolon, akilanya ajaus ka abara kotoma ocani.

Apipilu ka etau eyauni ang'olopa, konye akinapaara eyauni aipuc.

Itung'a lu ejoka, ewomowomoete ering'a kesi kinyakuna akirot. Itung'a lukarokok ebong'onokinete atipet, konye eyauni icani.