Popular Bible Verses from Proverbios 12

Share

Llaquejj jakerojj mayjt'ayiwa; suma arusti cusisiyiwa.

Qhititejj chekachatäñaru munqui ucajja, yatiñ cancañaruwa muni; chekachatäñaru uñisqui ucajja, jan amuyt'aniwa.

Utjapuniwa parlatanacapampi mayniru usuchjirejja, ucampis yatiñan jakenacan arunacapasti mä kolljamawa.

Jan amuyt'an jakejj amuyasiwa take cunansa walicjama lurascatapa, ucampis yatiñan jakejja suma ewjja arunacarojja ist'iwa.

Jan amuyt'an jakejj mäquiwa cunatsa colerasi, ucampis ch'iqhi jakejja jan wali chuyma uscay arunacarojj janiw yäkquiti.

Asqui lurir warmejj chachaparojj jach'aruw apti, ucampis jan wali warmejja chachaparojj jisc'achayiwa.

Tatiturojj c'ari parlirinacajj ajjtasiyiwa, ucampis cheka parlirinacajja cusisiyiwa.

Asqui jakejj masipan irpiripawa, ucampis ñankha lurir jakenacajja maysaruwa saranucupjje.

Qhititejj chek parlqui ucan arunacapajja wiñayataquiwa, ucampis qhititejj c'ari parlqui ucan arunacapajja mäquiwa chhaktawayjje.