Popular Bible Verses from Proverbios 11

Share

Qhititï churañ yatqui ucaw juc'amp catoke; churiristi churatapatjamwa catokaraquini.

Qhitinacatejj masinacapar cuns churqui ucanacajj juc'amp catoke, ucampis qhitinacatejj jupataquiqui munapqui ucanacajja pobrewa tucusipjjani.

Jach'a jach'a tucuñajja jan walt'añanacwa apani; yatiñ cancañasti llamp'u chuymaninacamp chicawa.

Marca apnakerinacatejj jan marcaru suma apnakcapqui ucasti aynacht'aniwa, ucampis walja amuyt'ayirinïqui uca marcasti jan cuna ajjsarasaw jacasiraqui.

Cheka cancañajj jacañwa churi, ñankha lurañasti jacañjja apakewa.

Arunaca apnakerejj takwa parli, ucampis asqui jakejja imjjäsiwa, janiw qhitirus arsquiti.

Qhuyapayasirïqui ucajj, jupa pachpataquiwa asqui lurasqui, ucampis khorüqui ucasti, jupa pachpataquiwa jan wal lurasqui.

Qhititejj kamir cancañapar alcatqui ucajja, mä waña laphir uñtataw jalaktani, ucampis asqui jakenacajja mä kokan layminacapjamawa ch'ojjñtani.

Taripäwi urun kamir cancañajj maynirojj janiw yanapcaniti, ucampis cheka cancañajja jiwañatwa khespiyani.

Cheka sarnaker jakenacarojj cheka cancañapawa irpi; c'ari sarnaker jakenacarusti c'ari cancañapawa tucji.

Jan amuyt'ani warmejj jiwaquïcchisa, cunjämatï mä qhuchhejj nasapana kori anillompi uchatäcaspa uqhamaquiwa.

Tatiturojj c'ari pesanacajj ajjtasiyiwa, ucampis phokhat pesanacajj juparojj cusisiyiwa.