Popular Bible Verses from Proverbios 13

Share

Suma yatiñan jakenacamp chica sarnakerejja, suma yatiñaniraquïniwa; jan amuyt'an jakenacamp chica sarnakeristi, jan walt'añaruwa puriraquini.

Qhititejj amuyt'ampi juc'a aruqui parlqui ucajja, jupa pachpawa imasiscani, ucampis qhititï jan amuyt'asa sinti parlqui ucajja, jupa pachparaquiwa jan walt'añaru puri.

Qhititejj wawapar jan chekachqui ucajja, janiw wawapar munquiti, ucampis qhititejj wawapar munqui ucajja, chekachiwa.

Cuna suyt'äwinacatejj jan phokhascjje ucasti chuyma usuyasiñaquiwa, ucampis munatasarjam phokhasi ucajj jacañ kokjamawa.

Cheka luräwinacapaw cheka lurir jakerojj arjjati; jucharar jakerusti ñankha luratanacapaw tucji.

Mäqui jicjjatata kamir cancañajj, mäquiwa tucusjje, ucampis qhititejj juc'at juc'ata jicjjatquejja, ucawa juc'ampi jiljjatayi.

Jach'a jach'a tucuñajj nuwasiñanacacwa apani, ucampis yatiñ cancañajja llamp'u chuymaninacampiwa.

Asqui lurir jakejja yänacapjja wawanacapans wawanacaparuw jaytawayi, ucampis jucharar jaken yänacapajja, asqui jakenacataquiw kheparjjani.

Yatiñan wawajj awquipan ewjja arunacapjja catokasiwa, ucampis jan ist'asir wawajja janiw chekachäwi arunacjja catokasquiti.

Suma ewjja arunacaru jisc'achirejja, pobre uqhamaraqui jisc'achataquiw sarnakani, ucampis qhititejj chekachäwiru ist'qui ucajja, suma jach'añchataraquïniwa.