Popular Bible Verses from Proverbios 10

Share

Tatitun bendicionapawa kamiriptayi; janiw cuna llaquisiñsa ucampi chicajj apayanquiti.

Wali parlañanjja jucha lurañawa utji, ucampis horasapar amuct'añasti yatiñ cancañanquiwa.

Uñisiñajj ch'ajjwanacwa utjayi, ucampis munasiñajj take juchanacwa pampachi.

Juc'a irnakeri jakesti, pobrequiw jaqui, wali irnakeri jakesti kamiriptaraquiwa.

Qhititï ewjja arunacaru phokhasa sarnakqui ucajja, jacañ thaquinjamwa sarasqui; qhititï ewjja arunacaru jan phokqui ucajja, chhakañ thaquinjamwa sarasqui.

Jan cuna manunïqui ucajj, janiw cunarus ajjsarquiti; jan wal sarnakeristi, jan waliwa tucusiraqui.

Tatitur ajjsaras jaquir jaketaquisti, jacañapajj juc'amp yapjjatatawa, ucampis ñankha lurir jaken jacañapajj juc'aptayatawa.

Tatitojj asqui jakerojj janiw mank'at t'akhesiyquiti, ucampis ñankha lurir jakerojja mank'at awtjayasiñapjja janiw apakquiti.

Cunjämatejj jach'a tutucajja mäqui pasawayejja, uqhamawa jucharar jakejj mäqui chhaktawayjje, ucampis asqui jakejj wiñayataquiwa jacasqui.