Popular Bible Verses from Aro 4

Share

Abrahamu ataagîîre nkaanja ciegiî wîrane bûrîa aaei nî Mûrungu, îndî nîka wîtîkio bwaawe bwagîîre inya na aracokeria Mûrungu nkaatho. Nî aarî na mma atî Mûrungu arî na inya ya kûûjûria jarîa aamwîrîrîte.

O ta ûrîa Maandîko jaugîîte, “Nî nkweethetie îthe wa mîgongo îmingî.” Ûntû bûu nî bwa mma kîrî Mûrungu ûrîa Abrahamu eetîkîrie. Mûrungu ûu nîwe ûriûkagia into birîa bikuîte na agatûma into bibierû birîa bitîtwîre o bionora.

ûrîa wooragîrwe nîûntû bwa meeyia jeetû na arariûkua nîkenda atûethia babaagîru mbere ya Mûrungu.

Abrahamu nî eetîkîrie eerîgîîrîte mma ûntû bûtîkwîrîgîîrîka, atî we akaa îthe wa mîgongo îmingî, kûringana na ûrîa eeri, “Ûu nîu nchiarwa ciaaku ikaingîa ta njota.”

Kîu nîkîo gîtûmaga wîrane bwonora na njîra ya gwîtîkia, nîkenda bûkaejanwa na njîra ya ûtugi bwa Mûrungu kîrî nchiarwa cia Abrahamu cionthe. Wîrane nî kîrî barîa boojûragia Waatho na barîa beetîkîtie ta ûrîa Abrahamu eetîkîtie. Nîkwîthîrwa Abrahamu nîwe baaba weetû twinthe

“Kîtharimo nî kîa antû barîa Mûrungu arekerete moothûûku jaao, barîa barekeri meeyia jaao. Kîtharimo nî kîrî muntû ûrîa Mwathani atîaandîkîra meeyia.”

Nîkwîthîrwa Maandîko jariuga, “Abrahamu nî eetîkîrie Mûrungu, na Mûrungu aramwîtîkîîria aa ûmwagîru.”