Popular Bible Verses from Aro 5

Share

Îndî Mûrungu nî akwonania ûrîa aatwendeete, nîûntû rîrîa tuî twaarî eeyia, Kristû nî aakuîre nîûntû bweetû.

Wîrîgîîro bûu bûtîtûmaga tûkua nkoro, nîûntû Mûrungu nî atûûjûrîtie wendo bwaawe nkoroone cieetû gûkûrûkîîra Roho Ûmûtheru ûrîa aatweere.

Nkûrûki ya bûu, nî tûgwîragîrua mathîîna nîûntû nî twijî mathîîna jareetaga kûûmîîria, kûûmîîria kûreetaga mîîtîre îmîega, na mîîtîre îmîega îgatûma kûgîa na wîrîgîîro.

Tontû bûû, nîkwîthîrwa nî tûethetue babaagîru nîûntû bwa gwîtîkia, tûrî na thîîrî na Mûrungu gûkûrûkîra kîrî Mwathani weetû Jesû Kristû. Jesû ûu nî atûmîte twona ûtugi bwa Mûrungu bûrîa tûtûûraga ndeene yaabu nandî. Tontû bûû, nî tûgwîragîrua wîrîgîîro bûrîa tûrî nabu bwa kwîja kûgaa mwago jwa Mûrungu.

Rîrîa tûtoombaga gwiteethia, Kristû nî aakuîre nîûntû bweetû tuî eeyia îgiita rîrîa oneere rîagîrîte.

Nandî nîûntû nî twigithanîtue na Mûrungu nî tharike ya Jesû Kristû, gûtî nkaanja agaatwonokia kuuma mûthûûroone jwa Mûrungu.

O ta ûrîa antû bonthe baeetherue eeyia nîûntû bwa muntû ûmwe kûrega kwathîka, ûu nou antû babaingî bakaethua babaagîru nîûntû bwa kwathîka kwa muntû ûmwe.

Ningî tî bûu bunka akî, nî tûgwîragîrua kwîthîrwa tûrî kîrî Mûrungu gûkûrûkîîra kîrî Mwathani weetû Jesû Kristû, ûrîa ûtûmîte twîthîrwa tûrî na ngwatanîro na Mûrungu.