Popular Bible Verses from KŨGUŨRĨRIO 19

Share

Nĩtũkenei tũcanjamũke mũno, na tũmũhe ngatho iria imwagĩrĩire, tondũ kĩhikanio gĩa Gatũrũme nĩ gĩkinyu, na mũhiki wake nĩarĩkĩtie gwĩthagathaga.

Na nguo yake na kĩero gĩake e na rĩĩtwa aandĩkĩtwo, atĩrĩ, MŨTHAMAKI WA ATHAMAKI, NA MWATHANI WA AATHANI.

Na nĩndonire Igũrũ rĩhingũkĩte; na nĩ atĩrĩ, kwĩ mbarathi njerũ, na ũrĩa ũmĩhaicĩte, wĩtagwo Mwĩhokeku na Wa-ma; nake atuaga cira, o na mbaara akaruta, na kĩhooto.

Na maitho make matariĩ ta rũrĩrĩmbĩ rũa mwaki, na mũtwe e na managĩ maingĩ ma ũnene; na e na rĩĩtwa aandĩkĩtwo, gũtarĩ ũrĩũĩ tiga o we mwene. Na nĩehumbĩte nguo ĩtoboketio thakame-inĩ; narĩo rĩĩtwa rĩrĩa etagwo nĩ Ũhoro wa Ngai.

Ningĩ kanua-inĩ akoima rũhiũ rũũgĩ rũa kũhũra ndũrĩrĩ naruo; na nĩagaciriyĩraga na rũthanju rũa kĩgera; na nĩwe ũrangaga ihihĩro rĩa ndibei ĩrĩa ya wĩĩ wa marakara ma Ngai Mwene-Hinya-Wothe.

Nayo nyamũ ĩo ĩkĩnyitwo, ĩkĩnyitanĩrio o na mũrathi ũrĩa wa maheni, ũrĩa waringaga ciama harĩ yo, akahĩtithagia andũ nacio arĩa mekĩrĩtwo ruoro rũrĩa rũa nyamũ ĩo, o na arĩa maainamagĩrĩra makahoya mũhianano wayo. Nao erĩ magĩikio me muoyo thĩinĩ wa iria rĩa mwaki rĩrĩa rĩakanaga ũbiriti