Popular Bible Verses from AHIBIRANIA 13

Share

Mĩikarire-inĩ yanyu-rĩ, ikaragai mũtegũkorokera mbia; na mũiganagwo nĩ indo iria mwĩ nacio: amu Ngai we mwene nĩoigĩte atĩrĩ, Ndirĩ hĩndĩ ngagũtigĩrĩra, kana ndigane nawe o na atĩa.

Jesu Kristo atũũraga atekũgarũrũka, ira, na ũmũthĩ, o na nginya tene na tene.

Tondũ ũcio nĩtwetaga kuuga, tũũmĩrĩirie, atĩrĩ: Mwathani nĩwe mũndeithia; ndigetigĩra: Mũndũ-rĩ, nĩ atĩa angĩkĩhota kũnjĩka?

Na mũtikanariganĩrũo nĩ gwĩkana wega o na gũtanahanĩra, nĩ ũndũ magongona ta macio nĩmo Ngai akenagio nĩmo.

Gwatuĩka ũguo-rĩ, nĩtũgoocage Ngai na ũndũ wa Jesu tũtegũtigithĩria, ta arĩ igongona tũramũrutĩra; naguo nĩ ta kuuga arutagĩrũo maciaro moimĩte tũnua-inĩ twa arĩa moimbũraga rĩĩtwa rĩake.

Ũhoro wa kũhikania nĩwĩkĩrĩrũo nĩ andũ othe, na gũkomania kwa arĩa mahikanĩtie nĩgũtuwo ũndũ mũthingu. Nĩ ũndũ ahũri-maraya o na atharania nĩ Ngai ũkamatuĩra ituĩro.

Mũtikanariganĩrũo nĩ gũtuga ageni; nĩ gũkorũo, tondũ wa gwĩka ũguo-rĩ, andũ amwe maanagwata araika ũgeni matekũmenya.

Rĩu-rĩ, Ngai Mwene thayũ, ũrĩa wacokirie mũrĩithi ũrĩa mũnene wa mbũri, o we Mwathani witũ Jesu, akĩmũruta kũrĩ arĩa akuũ nĩ ũndũ wa thakame ya kĩrĩkanĩro kĩrĩa gĩtathiraga-rĩ, arotũma mũtuĩke aagĩrĩru kũna ũndũ-inĩ o wothe mwega, nĩ getha mwĩkage o ũrĩa endaga; na aroeka thĩinĩ wanyu, na ũndũ wa Jesu Kristo, maũndũ marĩa onaga marĩ ma kũmũkenia. Nake arogoocagwo tene na tene. Amen.