Popular Bible Verses from JAKUBU 1

Share

Ariũ a Baba, mwakorũo nĩ magerio mĩthemba mĩingĩ, tuagai atĩ ũguo no gĩkeno gĩtheri: mũkĩmenyaga atĩ wĩtĩkio wanyu wagerio nĩũtũmaga mũkirĩrĩrie.

Na rĩrĩ, mũndũ wanyu angĩkorũo nĩaagĩte ũũgĩ, nĩahoe Ngai, ũrĩa ũheaga andũ othe na ũtana, ategũkũmana-rĩ, nake nĩakaheo.

Ariũ a Baba, inyuĩ nyenda mũno, nĩmũũĩ ũhoro ũcio. Ĩndĩ mũndũ o wothe nĩahiũhage gũthikĩrĩria, no ndakahĩke kwaria kana kũrakara

No rĩrĩ, rekei gũkirĩrĩria kũu kũrutage wĩra wakuo ũrĩa wagĩrĩire kũna, nĩ getha mũtuĩke andũ aagĩrĩru kũna, na agima, mũtarĩ kaũndũ mwagĩte.

Ĩndĩ tuĩkai andũ a gwĩkaga ũhoro ũrĩa mũiguĩte, na mũtigatuĩke o a kũũiguaga mũtekũwĩka, mũkĩĩhenagia inyuene.

Gũkena-rĩ, nĩ mũndũ ũrĩa wĩũmagĩrĩria hĩndĩ ĩrĩa ekũgerio; nĩ ũndũ aagerio na oneka atĩ nĩ mwĩkindĩru-rĩ, nĩakaheo thũmbĩ ya muoyo, o ĩrĩa Mwathani erĩire arĩa mamwenda.

Ũheani o wothe wa maũndũ mega, o na kĩheo o gĩothe kĩrĩa kĩagĩrĩire kũna, nĩciumaga Igũrũ, igaikũrũka ciumĩte kũrĩ Ithe witũ, mwene motheri ma Igũrũ, ũrĩa ũtagariũkaga, na ndarĩ na kĩĩruru gĩa kũgarũrũka.

Amu-rĩ, mũndũ o wothe angĩtuĩka mũiguaũhoro, na ti mũwĩki-rĩ, ahaanaine na mũndũ ũkwĩrora ũthiũ ũrĩa aaciarirũo naguo na gĩcicio: nĩ gũkorũo ekwĩrora, agathiĩ, akariganĩrũo o rĩmwe nĩ ũrĩa egũtariĩ.

Ũndini ũrĩa wonagwo nĩ Ngai, o we Ithe witũ, wĩ mũtheru, na ũtarĩ mũthũku nĩguo ũyũ atĩrĩ, nĩ gũthiaga kũrora ciana cia ngoriai na atumia a ndigwa hĩndĩ ĩrĩa mathĩnĩkĩte, na ningĩ atĩ mũndũ eikaragie gũkũ thĩ ategũthũkio na imeni iria njũru ciakuo.

Mũndũ o wothe aagerio, nĩatige kuuga, Ndagerio nĩ Ngai: amu Ngai ndangĩhota kũgerio nĩ maũũru; nake we mwene ndageragia mũndũ o na ũrĩkũ. No rĩrĩ, o mũndũ nĩ kũgerio ageragio hĩndĩ ĩrĩa ekũgucĩrĩrio nĩ merirĩria make moru, akahenererio nĩmo.

Atĩrĩ, mũrũ wa Ithe witũ ũrĩa ũtarĩ na igweta nĩerahage nĩ ũndũ nĩatũũgĩrĩtio