Popular Bible Verses from 1 JOHANA 4

Share

Wendani ndũrĩ guoya; wendani ũrĩa mũkinyanĩru nĩũninaga guoya, amu guoya ũkoniĩ kĩherithanio, nake ũrĩa wĩtigagĩra ndakinyanĩirie wendani.

Inyuĩ, twana twakwa, mũrĩ a Ngai, na acio nĩmũmahootete; nĩ ũndũ ũrĩa wĩ thĩinĩ wanyu nĩ mũnene gũkĩra ũrĩa wĩ gũkũ thĩ.

Ithuĩ twendanaga nĩ ũndũ nĩwe waambire gũtwenda mbere.

Endwa akwa, nĩtwendanagei, amu kwendana nĩ kwa Ngai, na mũndũ o wothe wendanaga aciarĩtwo nĩ Ngai, o na nĩoĩ Ngai.

Ũrĩa ũtendanaga ndoĩ Ngai; amu Ngai nĩwe wendani.

Wendani nĩ ũũ; ti atĩ nĩ ithuĩ twendaga Ngai; ĩndĩ nĩwe watwendaga ithuĩ, agĩkĩrekia Mũriũ oke atuĩke ihaki rĩa mehia maitũ.

Endwa akwa, akorũo Ngai nĩguo aatwendaga, nĩtũkĩagĩrĩirũo na ithuĩ twendanage.

Ũhoro ũrĩa wendani wa Ngai wonanirio naguo harĩ ithuĩ nĩ ũyũ, atĩ Ngai nĩaarekirie Mũriu wake wa mũmwe oke gũkũ thĩ, nĩ getha tũgĩe muoyo nĩ ũndũ wake.

Mũndũ angĩkorũo oigaga ũũ, Niĩ nĩnyendete Ngai, na nĩathũire mũrũ wa ithe-rĩ, ũcio nĩ wa maheni; amu-rĩ, ũrĩa ũtendete mũrũ wa ithe ũrĩa atũire onaga, ndangĩhota kwenda Ngai atakĩrĩ aamuona.

Mũndũ o na ũrĩkũ wa gwĩtĩkia atĩ Jesu nĩ Mũrũ wa Ngai-rĩ, Ngai nĩatũire thĩinĩ wake, nake nĩatũire thĩinĩ wa Ngai.

Ningĩ tũrĩ o na rĩathani rĩrĩ rĩake, atĩrĩ, atĩ ũrĩa wendete Ngai no ende mũrũ wa ithe o nake.

ENDWA akwa, mũtigetĩkagie maroho mothe, no rĩrĩ, mũroragie maroho, muone kana nĩmoimĩte kwĩ Ngai; tondũ kwĩ arathi aingĩ a mathara moimĩrĩire gũkũ thĩ. Ũrĩa mũngĩhota gũkũũrana Roho wa Ngai nĩ ũguo: roho o wothe ũrĩa wĩtĩkagia atĩ Jesu Kristo nĩokĩte na mwĩrĩ-rĩ, ũcio nĩuumanĩte na Ngai

naguo roho o wothe ũrĩa ũtetĩkagia Jesu, ũcio nduumanĩte na Ngai; na ũcio nĩguo roho wa mũmena-Kristo, ũrĩa mũiguĩte atĩ nĩũgũũka, o na rĩu nĩũrĩkĩtie kũgĩa gũkũ thĩ.