Popular Bible Verses from Mezali 11

Share

Mutu anayetoa kwa moyo safi atafanikishwa. Mutu anayekunywesha mwingine maji, naye atakunyweshwa.

Kuna watu wanaotoa mali yao kwa wingi na kuzidi; lakini wachoyo wanazilinda na kuendelea katika umasikini.

Kiburi kinazaa haya, lakini kwa watu wanyenyekevu kuna hekima.

Pasipo uongozi taifa linaanguka; kwenye kuwa washauri wengi kuna usalama.

Tunda la mwenye haki ni muti wa uzima, na mwenye hekima anavuta watu.

Anayepitapita akichongea anatoa siri, lakini anayeaminiwa anaficha siri.

Mutu mwema anafaidika yeye mwenyewe, lakini mutu mukali anajiumiza mwenyewe.

Anayetegemea mali zake ataanguka, lakini mwenye haki atastawi kama jani bichi.

Utajiri haufai kitu siku ya kasirani, lakini haki inaokoa kutoka kifo.

Ukamilifu wa watu wa usawa unawaongoza. Upotovu wa wadanganyifu unawaangamiza.

Mwanamuke muzuri asiyekuwa na akili ni kama pete ya zahabu kwenye pua la nguruwe.

Mizani danganyifu ni chukizo kwa Yawe, lakini matumizi ya vipimo vya haki ni furaha kwake.