Popular Bible Verses from Olelo 7

Share

Koko Yawe akela Mose, “Bala, njokila we mbilʼene nga Nzakomba ele Falo; ko Alona botomolo oke ifoyalema boteli oke.

Ko emi njifocilinganya botema wa Falo, ko mpuza ntaza ikami, ko la belemo bekami bia nkakamwa ndʼese ea Ejipeto. Lolo Falo afaokozʼinyo, ko emi njifafya likata likami ndʼEjipeto, ko ndoza beloiʼekami, bantoʼakami, bana ba Yisalaele, limʼese ea Ejipeto la biumbelo biʼenene.

Ko Ba-Ejipeto bifea wae emi nde Yawe, a emʼosembola likata likami ndʼEjipeto, ko ndoza bana ba Yisalaele lima ntoku ekiyo.”

Nkako Falo aoleta banto ba wanya la nkanga yʼakunda, ko iyo, wete nkanga y a Ejipeto, bakelaki o ngoko lʼakundaʼakiyo. Ekiʼyʼusaka wengiʼonto bonkandoʼokae, beko beofaningwa njwa; ko bonkando wa Alona bomela benkandoʼekiyo.

Yawe akelʼelengʼene, Wifea wae emi nde Yawe la joi line; bala njifokunda basi bale nda ntando lʼonkando bole nda likata likami, ko bako bifofaningwa balongo.

“Ae Falo otefela lʼinyo, ko akela, Leneya bolemo wʼofilo; we kela Alona, Kolʼonkandoʼoke ko usʼoko nda joso ja Falo wae bofaningwa njwa.” Ko Mose la Alona baolotswa ele Falo, ko baokela ngoki Yawe asisaka: ko Alona aolusʼonkandoʼokae ndʼase nda joso ja Falo la nda joso ja basaliʼakae, ko bofaningwa njwa.