Popular Bible Verses from Olelo 6

Share

La ncinʼeko, sangela bana ba Yisalaele, Emi wae Yawe; njifimolʼinyo limʼase bʼelemo bia Ba-Ejipeto, ko ndimolʼinyo lima lotuko lokiyo, ko nsikolʼinyo la lo ja nsembola, ko la biumbelo biʼenene

ko njifokolʼinyo elʼemi wae loyaleme bantoʼakami, ko emi njaleme Nzakomba ekinyo: ko lifea wete emi nde Yawe Nzakomba ekinyo ondozakʼinyo limʼase bʼelemo bia Ba-Ejipeto.

Ko njifotombʼinyo ndʼese ekiʼmʼocikelaka Abalayama la Yisaka la Yakoba elaka wae ndakaya, ko njifokayʼinyo ese eko Iisango. Emi nde Yawe.” Ko Mose atefelaki la bana ba Yisalaele ngoko, lolondʼiyo ntabokoza Mose ndʼewela ea lokeseli jʼete maʼekiyo, ko la jombo ja lotuko.

Ko Yawe akela Mose, “Aeyoko wena elenge e emʼokeela Falo elʼende ifofanga wae Ba-Yisalaele bakende o la likata ja mpamba, ifaita limʼese ekae la likata ja mpamba.”