Popular Bible Verses from Olelo 3

Share

Nzakomba aokela Mose, “EMI NDE, WAE NDE.” Ko akela, “Sangela bana ba Yisalele ngone, NDE aontomʼelʼinyo.”

Koko Nzakomba aolokela, “O nsosolo emi njifoyala la we; ko lone lotaza ele we wete njokotoma: ae wʼoyelʼantʼako limʼEjipeto, lifosaela Nzakomba nda ngongo ene.”

Ko ende aokela, “Emʼone.” Aokela, “Totutamake, lotola bikoto limʼakakaʼake, ele itenela indemi we ile itenela yʼoeko.”

Yawe akela, “O nsosolo, njenaki elo endena bantoʼakami ndʼEjipeto, ko ndokaki lilelo likiyo ndʼewela ea bankolo bakiyo: elʼemi ndea nkeseli ikiyo: ko njokitela wae ndasikole limʼakata ba Ba-Ejipeto, ko ndaoza limʼese eko, ko ndayele ndʼese eʼolotsi lʼeʼenene, wete ese efula lʼaele la mpako: wiji bofetsa Ba-Kanana la Ba-Ete, la Ba-Amola, la Ba-Peliza, la Ba-Iwa, la Ba-Yebusa.

Ko ekima ea Yawe aolenyʼelʼende nda lombe ja tsa, ndʼetei ea itamba; ende aolenda, ko bala, itamba iyofete la tsa, ko itamba ntilika.

Ndʼewelʼeko, yaka, nkotomele Falo, wae woza bantoʼakami bana ba Yisalaele limʼEjipeto.”