Popular Bible Verses from Matthew 14

Share

Na ohun mframa no, osuroi; na ɔhyɛɛ ase rodɔ no, ɔkaa mu dɛ, Ewuradze, gye me. Na ntsɛmara Jesus too ne nsa suoo no mu, na ɔsee no dɛ, Ɔwo a wo gyedzi suar, ɔyɛ dɛn ntsi na egyee kyim?

Na ohun mframa no, osuroi; na ɔhyɛɛ ase rodɔ no, ɔkaa mu dɛ, Ewuradze, gye me.

Na ntsɛmara ɔnye hɔn kasae, na ɔsee hɔn dɛ, Hom nhyɛ dzen: mara a, mma hom nnsuro.

Na Peter buaa no see dɛ, Ewuradze, sɛ woara a, hyɛ me ma membra wo nkyɛn wɔ nsu no do. Na ɔsee dɛ, Bra. Na Peter fii hɛn no mu sii, na ɔnantseew nsu no do dɛ ɔrokɔ Jesus nkyɛn.

Na hɔn a wɔwɔ hɛn no mu no kotoow no dɛ, Ampa, Nyankopɔn Ba nye wo.

Na Jesus see hɔn dɛ, Onnhia dɛ wɔkɔ beebiara: homara hom mma hɔn biribi ma wondzi. Na wɔsee no dɛ, Yɛwɔ paanoo enum nye esunam ebien pɛ wɔ ha.

Na ɔsee dɛ, Hom mfa mbrɛ me ha. Na ɔhyɛɛ nyimpadodow no dɛ wɔntsenatsena mpɔnkɔfuw no do, na ɔfaa paanoo enum no, nye esunam ebien no, na ɔhwɛɛ sor no, ohyiraa do, na obubui, na ɔdze paanoo no maa n’esuafo no, na n’esuafo no dze maa nyimpadodow no.

Na hɔn nyina dzidzii mee; na wɔtasee mporoporoba a ɔkae no, nkɛntsɛn duebien amaama.