Popular Bible Verses from Matthew 13

Share

Na dza wɔpee no asaase pa mu no, ɔnye nyia otsie asɛm no, na ɔtse ase; ɔno so na ɔsow aba, bi ɔha, bi eduosia, bi eduasa.

Na dza wɔpee no nsoɛ mu no, nye nyia otsie asɛm no, na wiadze yi mu akɔdadwen nye ahonya ndaadaa mia asɛm no, ma ɔnnsow aba.

Sɛ obiara tse ahenman no no ho asɛm, na ɔnntse ase a, ɔbɔn no ba bɛfa dza wɔpee no n’akoma mu no kɔ. Oyi nye dza wɔpee no wɔ kwan nkyɛn no.

Na dza wɔpee no abosam do no, ɔnye nyia otsie asɛm no, na ntsɛmara ɔdze dɛw gye; na onnyi ndwow wɔ no mu, na ɔwɔ hɔ ma ɔkyɛr kakra, sɛ abɛbrɛsɛ anaa ahohia soɛr wɔ asɛm no ntsi a, ntsɛmara na ato no fintsidua.

Sor ahenman no tse dɛ akoradze a wɔdze sumaa haban mu a nyimpa hunii no, ɔdze huntsae, na no ho dɛw ntsi ɔkɔree kɔtɔɔn dza ɔwɔ nyina na ɔtɔɔ haban no.

Na bi so koguu asaase pa mu, na ɔsoow aba, bi ɔha, bi eduosia, bi eduasa.

Hom mma n’ebien nyina nnyin nkesi twaber no; na twaber no mebɛse etwafo no dɛ, Hom ndzi kan mboaboa nwora no ano, na hom nkyekyer no efiefi ma wɔnhyew no, na hom mboaboa ewifua no ano nkɔ me san do.