Popular Bible Verses from MATIU 21

Share

Nggàra biaya na pakarai-mi la hamayangu-mi, napa mingala-manya duna mili mipawai,” wànanja.

“Langatàka,” wàna i Yehu. “Jàka mipawai dàngu ka àmbi ndua ndandi, pekuna nyimi la pawànya hama tuna na pawànggu Nyungga la pingi kapilitu yiana. Dàngu nda didi biaya nuna, jiapa peku-mbuna nyimi jàka mipanii-nya na tandula yiana, ‘Talunggahu-wa kau kawukangu wikimu la tehiku,’ jàka wàminya, napa na pa-deningu-ma duna.

Na tau dangu da malaku mangilu la hangga dàngu na ma-malamiri la kajia-na i Yehu dalaku warangu, “Oha-anaka na Anana i Ndautu! Na-mànjaku maringu-wa Nyuna na mamai wànya na tamuna i Miri. Wotunya i Ala Mahupu jangga!” wàda.

Hàla hi napanii-nja nuda da tau “Daa la Huratu Matua ninya na-patulihu ba napanii i Ala, ‘Na umanggu uma ngia pa-hamayangu-ya wàda làti.’ Tàka nyimi mituya hibu tau rambangu!” wànanja.

“Pekanya la Hiungu, na Hanganji-mu nàmunya lai nyumu, Nyuna na-karàda etina dàngu na-kaliti heu kalandai, heu ana kalandai larii-nanya,” wàna.

Ka panii-nanyaka i Yehu lai nyuda, “Ndedi mi-handàkangu nyimi pambaha-ya na pa-tulihu daa la Huratu Matua? ‘Na watu na panda wàda da tukangu wulu uma, jia bia-yaika na watu tunggulu. Nuna paruku-na i Miriya, ai, kanjupu manandangu-ya!’ ” wàna.

“Jiaya nu kanandi-nya,” wàna i Yehu, “mbuu ndàbana da ngabami nyimi ba banjaru-na i Alakai napa na-pukalu hàlaha welingu lai nyimi tàka napa hi nawua-nya na banjaru na manunju-ha da pareta-na i Ala. [