Popular Bible Verses from YAHAYA 42

Share

“Nyungga MIRI-ka, kupaau-nggau dàngu kuwua-nggau waingera la pawànya na ma-deningu. Nyumu kulonda-kau dàngu ku-kabubulu-kau la panjadi pa-njanjingu la tau pinu tana, dàngu harii nduma banjaru mbuu ndàbana. La pa-pabulangu mata tau poki, dàngu pa-pahàla-ya na tau welingu la uma kapàtangu.

Nyungga MIRI-ka, nuya na tamunggu; nda jia wua-anggunya na mangunju-nggu, ka nggamu-yakadu; na wuwanggu nda jia puli-anggunya la kahala hada.

Napanii i MIRI, “Yiana-ya na atanggu na pa-pamàndu-nggu, na tau papindi-nggu, na maliya na etinggu. Mbàda wua-nggunyaka nyuna na kuaha-nggu, la pangàndi-nya ma-deningu la nimbihu banjaru.

Na au na ma-tambàluku nda jia pata-ananya, na epi na ma-kapidaku nda jia pàda-ananya. Wàngu tuturu-na napa napeka-ya na ma-deningu, nda na ndua ndandi jàka ndia nda nambota monungu, lupa na-ndolaku na ma-deningu la pinu tana. Da ta - tana mamarau darinju-nya na pa-ajaru-na,” wàna.

Na banjaru-nggu na mapoki napa kulonda-ya palinya na ànda na pandedi pida; ku-kapipi-ha la ànda pandedi tandada. Na ma-kapàtangu napa kupaharii-nja nyuda, na ànda ma-karoba - karobaku napa ku-palinjaku-ya. Nunaya na pawunda-nggu lai nyuda, dàngu napa Nyungga ku-patutu hàlanya.

Nàhu na panyura-nggu wuwa-nanyaka; ka kupeka-ya nggàra biaya na ma-bidingu wànggu; ba ndedipa nu natumbu mbàda panii-nggunggai-nyaka,” wàna.