Popular Bible Verses from YAHAYA 40

Share

Na-paàtalu-ya na tau na manjili, nawua-nya ringgitu na manda nggiki wàna.

Da bidi tau dalua-ya la njili dàngu la onja da ana nduluru danjoru paraï pa-hakimbatu. Tàka na tau na ma-monungu lai MIRI, napa na-ngalangu àtalu mabidi. Nyuda hama tuna mbaku tehiku-ha ma-hawuru pa-janggangu wàngu àtalu wulu kàpana. Dapalai nda daera la panjili, dàngu ba dapangga nda daera la paonja.

Nggikina hi ndau pinya dàngu hi ndau ronguya? I MIRI ba Ala malundu nuya, na ma-padika-nya nggubulu-na na pinu tana. Nda na-handàkangu panjili jàka ndia paonja; nda patoma-ya na kanandingu-na.

Ningu tau ma-warangu, “Rimanya ànda i MIRI la maràda telangu. Pamola-nya ànda bokulu la maràda nggailaru ndumana na Alanda!

Na rumba nameti dàngu na wàla ai na-malaï, tàka na liina na Alanda na-torungu lundu nu - nu,” wàna.

Na bunjuku-na i MIRI napa pa-pawuwa-yaka; na tau mbuu ndàbana da-kawàra itaya. Langatàka i MIRI wiki-maka na mambàda ràndiya!” wàna.

Nimbihu lolangu lupangu hungguru-manja bàdi, da palindi da tandula pa-ndidaru-ha. Da tana ma-patundungu ka danjadi-ha ma-ndidaru, da ma-karoba - karobaku pa-kamilihu-ha.

Hama tuna haàtu ma-pawangu Nyuna na-kulipu kabàba-na; Nyuna wiki ma-pauhi-nja nyuda. Da ana mbimbi nalunggu-ha, nawàngu ma-malijangu ba nairu ngàndiha da baida nu da manguna.

Tàngaru la awangu, dàngu hamata-ya! Nggamu mawulu-ha da kandunu? Nyuna ma-wandalu-ha hi hama pambaha, napinja jàka pira nggubulu-da mbuu ndàbada, dàngu na-kawàra paaunja dàngu ta - tamuda. Nda ana ningua ma-mbulangu, nadu ba bokulu kuaha-mananya i MIRI!

Na ma-padika-nya ditaya na-mandapu ningu la pinu kawori pinu tana, na mangia-nya na-màrahu-a ba itaya hama kabala-aya. Nyuna na ma-wàlahu-ya na awangu hama tuna tera, hi na-patàngi-ya hama tuna maü tera ngia pa-ngiangu.

Pangudu-ha da eti tau Yeruhali, peka-njawa ba kanjupungu-nanyaka na ngerada ba ataha. Da ndokuda mbàda jàma-nggunjaka, ku-pandua hama dangunja ba kuhuku-nja da njalada,” wàna.

Ningu tau mawara, “Bobaru-yawa!” wàna. “Nggàraya na pa-bobaru-nggu?” hi wànggu ba ku-paàrangu. “Bobaru-ya na tau hama rumba-aya, hama wàla ai ma-mananda handàkangu. Na rumba nameti dàngu na wàla ai na-malaï, jàka na-hapui-nya ngilu mbana i MIRI. Langatàka na banjaru nuna hama tuna rumba-maaya.

Tàngaru, i MIRI Ala namai wàngu kuaha-na la pa-paluangu lima wàngu kaborangu-na. Nakiri-ya paraï da tau da pambàda pahàla-na.

Tuna yia na paniina na Alamu, “Omba-yawa, omba-yawa na banjaru-nggu!

Nggamu mamàka pa-takaru wànya tàbalu limana na libu muru, jàka ndia ma-hukutu wànya panggana na hanggubu awangu? Nggamu ma-takaru wànya takaru na tanana na pinu tana jàka ndia matimba-nya mbotuna na palindi la ndahingu? Nggamu ma-kapipi-ya i MIRI, jàka ndia ma-papeka-nya beri ma-panaunya Nyuna? Lai nggamu ngia pa-paàrangu-na i MIRI ka na-ngalangu pingu dàngu jàngapu? Dàngu nggamu ma-paita-nya Nyuna ka na-nggànangu na pawàna?