Popular Bible Verses from IMBARANI 4

Share

Na puluna i Ala pulungu luriya dàngu namàka; narihi-pa patara welingu la hapanda madàka mbeli mbapa. Na pulungu nuna natanju pa-ràpangu la pa-kawàri hamangu dàngu ngahu; lupa kawohuku dàngu tambiliku, hi lupa napi paràpa-nya na kanandingu dàngu na pawuku eti tau.

Jia ba tuna nu, màtawa ka tatoru mbeni pahangiriya i Ala na ma-pareta wànda hàmu eti. Napa i Ala namila-nda eti hi na-pakanyuru-ta ka peku pa-ndulangu la rehina.

Na Ratu Bokulu-nda nda jia nda pi-ananya da lamanga-nda. Tàka pambàda kamangu-yaka la mbuu ndàbana, hama tuna nyuta; jia-aya ba nda ningu njalana!

Nda ningu pa-padikangu ma-kambelingu la hangga-na i Ala. Mbuu ndàbana pangita-ya dàngu na-tabunggahu-maa la mbara matana. Lai Nyunaya napa na ngia pahema ningunda.

Tuna nuduka hi lupangu takata undungu-ma bàdi la papeka wainda. Nadu ba nidunya lai nyuta na Hupu Ratu Bokulu-nda, na mambàda tama lundungu la hanggana i Ala – jiaya Nyuna-maka i Yehu na Ana Ala.

Jia ba tuna, màtawa ka ta-pamukarungu langatàka-ma la pangala-nya na hangahu panjanji-nanda i Ala. Ka àmbu jia ningudu haàtu lai nyuta manda lundungu hama tuna nyuda àmangu, rukuna ba nda dapawai lai Ala.