Popular Bible Verses from EPIHU 2

Share

Nyuta pawulu-na i Alata, dàngu napandoita lai Karitu Yehu ka pekuna nyuta ba ta-paloku-ya na hangia - hangia na mahàmu, na pambàda payema-nanda nyuta.

I Ala nambuha-nggai nyimi, jia-duya hi na-pamàna-nggai rukuna bai pawai lai Yehu. Na mànangu-mi nda ruku pa-mukarungu wiki-ami. Nuna pawua juana i Ala-aya. Jia-duya, nda ningua haàtu majia ngamba ànga la ngerana nuna.

Tàka nggiki bia-naka ihu na màja etina i Ala! Nyuna ba kanjupu namu-nanda nyuta, jiapa ka meti bia-ndanyapa la huri pangahu rukuda da papangga - papangga-nda, napaluri beli karia-nda dàngu i Karitu. Jia-duya, mbulungu-maana na hàmu etina i Ala, hi na-pamàna-nggai paraïna Nyuna.

Ruku pa-mbulungu-nda dàngu i Karitu Yehu, i Ala na-paluri beli karia-nda dàngu Nyuna, ka pekuna ka ta-pareta karia-nya Nyuna dita la awangu.

Jia ba tuna, nyimi ndai tama-apa la tau hangàdangu jàka ndia tau la hambeli. Nyimi nàhu angu banjaru-na i Ala-kaika. Nyimi angu kuru umana i Alakai. Nyimimbu pa-pahadangu-kaika la lata watu uma, pabànjaluda da pa-pahurungu dàngu da wunangu, tàka i Karitu Yehu jia-yaka na watu mahupu marihi.