Popular Bible Verses from Kuvululelwa 12

Share

Va mu hlulile hi nkhata wa Yivana, ni mhaka ya wukustumunyu gabye; a va chavangi kufa hi kota ya ku ranza kuhanya kabye.

Nzi lozwa a gezu ga hombe le tilweni, giku: Makunu ku chikele a kuhanyiswa, ni ntamu, ni mufumo wa Nungungulu wa hina, ni ntamu wa Kristu wakwe; hakuva a muranisi wa vamakabye va hina i hoxilwe lahasi, loyi a nga va ranisa mumu ni wusiku mahlweni ka Nungungulu wa hina.

Zonake drako loyi wa hombe, a nga nyoka leyi ya kale, yi tibyako Muhlevi na Satani, a mukhohlisi wa tiko gontlhe, yena i lo hoxwa lahasi misaveni, ni tingelosi takwe ti lo hoxwa zinwe naye.

Hikwalaho, tsakani nwina matilo, na nwina lava mu tshamako ka wona. Kanilezi nwina misava ni bimbi mu na ni khombo, hakuva Satani i relele ka nwina, na a zangarile nguvu, hakuva wa zi tiva lezaku a xikhati lexi xi mu saleleko xi tsongwanyani.

Ku wa hi kona kulwa le tilweni; Mikaeli ni tingelosi takwe va yalwa na drako, na drako alwa na hi ni tingelosi takwe

Zonake drako i lo zangarela nguvu a wasati, a suka a yalwa ni lava va nga sele va pswalo wakwe, lava va hlayisako milayo ya Nungungulu, va hi ni wukustumunyu ga Jesu.

Zonake ku lo woneka a masingita ya hombe le tilweni, ya wasati loyi a nga ambele gambo, a hi ni hweti lahasi ka mikonzo yakwe, le hlokweni yakwe i wa hi ni xidlodlo xa khume ga tinyeleti ni timbiri. Yena i wa sikile, i loba huwa, a xaniseka hi kulunwa, ni kubayiseka ka kubeleka.

Yena i lo beleka a nʼwana wa nisanyana, loyi a ta nga fumela matiko wontihe hi nhonga ya xiketse. A nʼwanana wakwe i lo tlakuselwa ka Nungungulu, le xitshanwini xakwe xa wuhosi. Ni wasati i lo chavela xiwuleni, laha ku nga ni wutshamu legi a longiselweko gona hi Nungungulu, lezaku a wundliwa kona a 1,260 wa masiku.

Ku lo woneka manwani masingita le tilweni, ya drako wa hombe wo pswhuka, a nga hi ni ntlhanu wa tihloko ni timbiri, ni khume ga timhonzo, ni ntlhanu wa zidlodlo ni zimbiri tihlokweni takwe. A nkila wakwe wu lo koka a xipanze xa wunharu xa tinyeleti ta tilo, a ti hoxa misaveni. A drako i lo yima mahlweni ka wasati loyi a nga lava ku beleka, kasi a fela ku khadamula nʼwana wakwe na a ha ku hefemula.

Ni wasati i lo nyikiwa a tipapa timbiri ta gama ga hombe, lezaku a fela ku purumela xiwuleni, a ka wutshamu legi a ta nga wundliwa kona a xikhati, ni zikhati zimbiri, ni khihlanya ga xikhati, a hi kule ni nyoka. Zonake a nyoka yi lo bukhula mati kanwini ka yona, khwatsi hi congo anzhako ka wasati, lezaku kasi wa kukuletwa ha wona. Kanilezi a misava yi lo vuna wasati, yi ahlama nomu wa yona, yi mita a congo lowu wu nga bukhulwa hi nomu wa drako.