Popular Bible Verses from Kuvululelwa 11

Share

A ngelosi ya wuntlhanu ni timbiri yi loba mpunzu wa yona; ku zwakala a magezu ya hombe le tilweni, maku ngalo: Makunu a mufumo wa misava wu lumba Hosi ya hina, na Kristu wa yona; yena i ta fuma kala kupinzuka ni kupinzuka.

A matiko ma lo zangara, kanilezi a zanga ya wena yi chikele, na xona xikhati xa ku lamula vafileko, ni xa ku chachazela a malanza ya wena a vaprofeti, ni vobasa, ni vona lava va chavako a vito ga wena, a vatsongwani ni vahombe, u tlhela u lovisa lava va onhako misava.

Zonake nzi ta nyika a vakustumunyu vambiri va mina, a kuva va profeta a 1,260 wa masiku, na va ambele tinguwo ta tisakwa.

Loku ku hunzile masiku manharu ni khihlanya a moya wa wutomi wu tako hi ka Nungungulu wu lo enghena ka vona, va yima hi milenge yabye; ni lava va nga va wona va lo telwa hi kuchava ka hombe.

Vona va na ni ntamu wo vala tilo, lezaku a vula yi ngani masikwini lawo va profetako ha wona; va na ni ntamu a ku hunzula mati ma maha nkhata; ni wa kuba misava hi zixaniso zi tsalangeneko, kota lezi va zi ranzako.

Lava hi tona tisinya timbiri ta maoliva ni timeza timbiri to veka tikandiya leti ti yimileko mahlweni ka Hosi ya misava. Loku munhu a lava ku va bayisa, ku huma nzilo kanwini kabye, wu khadamula valala vabye; ni loku munhu a lava ku va bayisa i ta dayiswa zalezo.