Popular Bible Verses from Kuvululelwa 13

Share

Laha ku laveka wutlhari! Loyi a nga ni kupima a hlaye a xihlayo xa xihari, hakuva xihlayo xa munhu; a xihlayo xa xona i 666.

Vontlhe lava va akileko misaveni va ta xi khozela, vontlhe lava a mavito yabye ma nga tsaliwangiko bhukwini ga wutomi ga Yivana leyi yi nga tlhabyiwa hi le kusanguleni ka tiko.

Xi lo kurumeta vontlhe a vatsongwani ni vahombe, lava va fumileko ni lava va vumalako, a va tlhatlhekileko ni tikhumbi, lezaku va vekwa xifungo canjeni gabye ga xinene, kutani zimombyeni zabye; lezaku ku ngavi na munhu a zi kotako ku xava kutani ku xavisa, saseka loyi a na nga ni xifungo, gi nga vito ga xihari, kutani xihlayo xa vito ga xona.

Loyi a yisako vanwani wukhumbini, yenawu i ta mahiwa khumbi; loyi a dayako hi supado, i ta dayiwawu hi supado. Kwalaho ka woneka a kutimisela ni kukholwa ka vobasa.

Nzi lo yima sekeni ga bimbi, nzi wona a xihari xi huma bimbini, na xi hi ni khume ga timhonzo ni ntlhanu wa tihloko ni timbiri. Le timhonzweni ta xona xi wa hi ni khume ga zidlodlo, ni le tihlokweni ta xona ku wa tsalilwe a mavito ya tihlamba.

Xi lo nyikiwa ntamu wa kuva zilwa ni vobasa, xi va hlula: xi nyikiwa ni ntamu hehla ka tontlhe tixaka, ni mifumo, ni tirimi, ni matiko.

Xi pengisa lava va akileko misaveni hi masingita lawa xi nyikilweko ntamu ku maha wona mahlweni ka xihari; xi byela a vaaki va misava lezaku va xi mahela a xifananiso a xihari lexi xi nga hi ni phanja ya supado, xi tlhela xi hanya. Zonake xi lo kuma ntamu wa ku nyika kuhefemula ka xifananiso xa xihari, lezaku a xifananiso xa xihari xi ta zi kota ku wulawula, ni kuva va dawa vontlhe lava va nga kala ku khozela a xifananiso xa xihari.

A xihari lexi nzi nga xi wona xi wa kotisa yingwe, a milenge ya xona kotisa ya ursu, ni nomu wa xona wu ku khwatsi i nomu wa nghala. Drako i lo xi nyika ntamu wakwe, ni xitshamu xakwe xa wuhosi, ni wuhosi ga hombe.

Xi lo nyikiwa a nomu wa ku wulawula a timhaka ta hombe ni tihlamba; xi nyikiwa ni ntamu wa ku tira a 42 wa tihweti.

Yinwe ya tihloko ta xona yi lo woneka a ku khwatsi yi tlhabyilwe yi lava kufa; kanilezi a mbanga ya xona ya hombe yi lo hola; a misava yontlhe yi lo xi lanzela yi hlamala.

Zonake nzi lo wona xinwani xihari xi huma misaveni; xi hi ni timhonzo timbiri to fanana ni ta yivana, xi lo wulawula khwatsi hi drako. Xi tira hi ntamu wontihe wa xihari xo sangula mahlweni ka xona. Xi kurumeta misava ni lava va akileko ka yona a ku khozela a xihari xo sangula, lexi a phanja ya xona ya hombe yi nga holiswa.