Popular Bible Verses from Mateu 21

Share

Ni zilo zontlhe mu ta nga zi kombela hi kukhongela, na mu kholwa, mu ta amukeliswa.

Jesu i lo hlamula, aku ngalo kabye: Hizinene nziku ka nwina: Loku mu hi ni kukholwa, mu nga kanakani, mu nga ta maha ntsena lezi zi mahilweko ka nkuwu, kanilezi hambu muku ka lexi xitsunga: Kunuka, u ya ti hoxa bimbini, zi ta maheka.

Ni zidlemo lezi zi nga rangile ni lezi zi nga lanzela, zi lo kanyuluka, ziku: Hozana ka Nʼwana Davida; a ku khesiwe yena loyi a tako vitweni ga Hosi; Hozana ka le hehla-hehla.

aku ngalo ka vona: Ku tsalilwe ku ngalo: A yindlu ya mina yi ta tibyiwa ku ngalo i yindlu ya kukhongela; kanilezi nwina mu yi mahile a bako ga vaphangi.

Byelani a nhanyana wa Zioni, muku: Languta, a Hosi ya wena yata ka wena, Yi rulile, yi khilele mbongoleni, A role ga pswele ga mbongola.

Jesu aku kabye: Xana a mu gonzangi Mitsalweni ku ngalo: A ribye legi gi nga aliwa hi vaaki, Gi mahile a hloko ya magumo; Lexi xi mahilwe hi Hosi, Xa hlamalisa mahlweni ya hina.

Hikwalaho nziku ka nwina: A mufumo wa Nungungulu wu ta tekiwa ka nwina, wu nyikiwa a tiko ginwani legi gi ta nga humesa a mihanzu ya wona.