Popular Bible Verses from Deuteronome 5

Share

Chava raru wa wena ni nyine wa wena, kota lezi Jehova Nungungulu wa wena a ku leleteleko, kasi a masiku ya wena ma ta engetelwa, mu katekiswa laha misaveni leyi Jehova Nungungulu wa wena a ku nyikileko.

kanilezi fambani hi yontlhe ndlela leyi Jehova Nungungulu wa nwina a mu leleteleko, kasi mu fela ku hanya, mu tshameka; ni lezaku kasi masiku ya nwina ma fela ku anza a tikweni legi mu yako ku ya gi fumela.

U nga zi khizameli, hambu ni ku zi khozela; hakuva mina Jehova Nungungulu wa wena, nzi Nungungulu wo pinyama, loyi a tsayisako a vanana hi kota ya zionho za vapswali vabye, kala ka xizukulwana xa wunharu ni xa wumune xa lava va nzi vengako. Kanilezi nza va mahela wuxinji kala ka xizukulwana xa khume ga mazana xa lava va nzi ranzako, va hlayisako milayo ya mina.

U nga ti maheli xifananiso xi vatlilweko xa zilo lezi zi nga le hehla tilweni, ni xa lezi zi nga lahasi misaveni, hambu ni xilo xa lezi zi nga lomu matini lahasi ka misava.

U nga ta kuva ni vanwani vanungungulu mahlweni ka mina.

U nga hlakani hi vito ga Jehova, Nungungulu wa wena, hakuva Jehova a nga ta mu khoma kota munhu a nga hava nanzu, loyi a hlakanako hi vito gakwe.

Ko khwatsi va ngava ni timbilu ta xichavo ha mina, va hlayisa milayo ya mina yontlhe xontlhe xikhati; va wa ta tshameka ni vanana vabye kala kupinzuka!

Hlayisa a siku ga Sabado u gi basise, kota lezi Jehova Nungungulu wa wena a ku leleteleko.

U nga naveli sati wa muakelane wa wena, u nga naveli a yindlu ya muakelane wa wena, hambu ni simu gakwe, ni xitiri xakwe xa wanuna ni xa wasati, ni homu yakwe, ni mbongola yakwe, hambu ni xihi xilo xa muakelane wa wena.

U nga bhayi.

U nga lumbeti wakelane wa wena hi wumboni ga mawunwa.

U nga dayi.

U nga yivi.

Hakuva u fela ku alakanya lezaku wenawu u wa hi xitiri le tikweni ga le Gipite, kanilezi Jehova Nungungulu wa wena i ku humesile hi canja ga ntamu gi tlakukileko, hikwalaho Jehova Nungungulu wa wena i ku leletele ku hlayisa a siku ga Sabado.

U ta tira ntlhanu wa masiku ni ginwe, u maha yontlhe mitiro ya wena; kanilezi hi siku ga wuntlhanu ni mambiri i Sabado ga Jehova Nungungulu wa wena. U nga tiri ntiro hi siku lego, wena ni mufana wa wena, ni nhanyana wa wena, ni xitiri xa wena xa wanuna ni xa wasati, hambu ni homu ya wena, ni mbongola ya wena, ni xinwani xifuyo xa wena, ni muluveli loyi a nga mutini wa wena; kasi a xitiri xa wena xa wanuna ni xa wasati va fela ku humula kota wena.

Hi mina Jehova Nungungulu wa wena, loyi a ku humesileko tikweni ga Gipite a ndlwini ya wukhumbi.