Popular Bible Verses from Deuteronome 6

Share

U ta ranza Jehova Nungungulu wa wena hi mbilu yontlhe ya wena, ni muhefemulo wontihe wa wena, ni ntamu wontihe wa wena.

U ta yi gonzisa ka vanana va wena, u wulawula ha yona lomu ndlwini ka wena, ni lomu kuenzeni ka wena, ni kuetleleni ka wena, ni kuvukeni ka wena.

A milayo leyi nzi ku layako ha yona nyamutlha yi tava mbilwini ya wena.

Ingisa, Israeli! Jehova Nungungulu wa hina i Jehova munwe.

U ta yi boha lomu wokweni ga wena, xiva xialakanyiso xa wena, ni xikombiso a xikari ka mahlo ya wena.

U ta yi tsala lomu timhanzeni ta yindlu ya wena, ni lomu tinyangweni ta wena.

U ta chava Jehova Nungungulu wa wena, u mu khozela, u hlambanya hi vito gakwe.

Laha ku ta ngaku Jehova Nungungulu wa wena a ku enghenisile ka tiko legi a hlambanyileko ka vararu va wena, Abrahama, na Isaka, na Jakobe, a ku ku nyika gona (yi nga miti leyi ya hombe, yo saseka, yi nga akwangiko hi wena, ni tiyindlu leti ti teleko hi tshomba, ti nga tatwangiko hi wena, ni tihlowo ti nga kelwangiko hi wena, ni zivina ni maoliva yi nga byalwangiko hi wena), lezo loku muga mu xura, chela kota lezaku u nga rivali Jehova loyi a ku humesileko tikweni ga le Gipite, lomu ndlwini ya wukhumbi.

Makunu lowu hi wona a nayo ni timhaka ni zileletelo lezi Jehova Nungungulu wa nwina a leleteleko ku mu gonzisa zona, kasi mu zi maha a tikweni legi mu ta nga ya enghena ka gona mu gi fumela; kasi u fela ku chava Jehova Nungungulu wa wena, na u kari u hlayisa yontlhe milayo yakwe, ni zileletelo zakwe lezi nzi ku byelako; u ta zi hlayisa wontihe masiku ya wutomi ga wena, wena ni nʼwana wa wena, ni zukulu wa wena, kasi masiku ya wena ma ta anza.

U ta maha kululama ni zinene mahlweni ka Jehova kasi u tshameka, u kala uya enghena ka tiko lego go saseka, legi Jehova a hlambanyileko ka vararu va wena a kuva u ya gi fumela

Hakuva Jehova Nungungulu wa wena, loyi a nga xikari ka nwina, i Nungungulu wo pinyama. Ku nga taku a zanga ya Jehova Nungungulu wa wena yi ku vindlukela, zonake a ku lovisa laha misaveni.

Mu nga dzuki mu lanzela vanwani vanungungulu, lava va nga xikari ka vanungungulu va matiko lawa ma mu ranzeleko.

Mu nga ringi Jehova Nungungulu wa nwina, kota lezi mu nga mu ringa le Masa.