Popular Bible Verses from Deuteronome 4

Share

Hi kona mu ta nga ya lava Jehova Nungungulu wa nwina; lahoke loku u ya mu lava hi mbilu ya wena yontlhe, ni muhefemulo wa wena wontihe, u ta mu kuma.

Hakuva Jehova Nungungulu wa wena i Nungungulu wa tipswalo; cima a nga ta ku tsika, hambu ku ku lovisa, ni kambe a nga ta rivala a xivumelwano xa vararu va wena lexi a hlambanyileko ka vona.

Hakuva Jehova Nungungulu wa wena i nzilo lowu wu hisako, i Nungungulu loyi a pinyamako.

Ntsena lezaku ti wonele, u hlayisa khwatsi muhefemulo wa wena, kasi u nga rivali lezi u zi wonileko hi mahlo ya wena; ni lezaku zi nga dzuki zi huma lomu mbilwini ya wena ni ka gihi siku legi u hanyako; kanilezi u ta tivisa a vanana va wena ni vazukulu va wena

Zi tive nyamutlha, u zi alakanya mbilwini ya wena, lezaku Jehova i Nungungulu loyi a nga hehla tilweni ni lahasi misaveni; a ku na munwani

Hakuva hi gihi tiko legi gi nga ni nungungulu wa gona laha kusuhani, khwatsi hi lezi Jehova Nungungulu wa hina a nga kusuhani na hina ka wontihe masiku lawa hi khongelako kakwe?

Laha u ta ngava zikaratweni, ni loku lezi zilo zontlhe zi chikela ka wena, hi zikhati za ha tako u ta tlhelela ka Jehova Nungungulu wa wena, zonake u ta ingisa a gezu gakwe.

Mu nga engeteli ka lezi nzi mu leleteleko zona; ni kambe mu nga hunguli nchumu xa zona; kanilezi mu ta hlayisa a milayo ya Jehova Nungungulu wa nwina, leyi nzi mu leleteleko yona.