Popular Bible Verses from 1 Va le Korinte 12

Share

Kanilezi a kuwonekeliswa ka Moya ku nyikiwa munwe ni munwani, kasi ku vuna vontlhe.

Makunu nwina mu miri wa Kristu, nwina mu ziro zakwe a munwe ni munwani.

Hikwalaho loku a xiro xinwe xi xaniseka, ziro zontlhe zi xaniseka zinwe naxo; ni loku xiro xinwe xi dzunziwa, ziro zontlhe zi tsaka zinwe naxo.

Hakuva munwani i nyikiwa ha wona Moya a timhaka ta kutlhariha, ni munwani i nyikiwa a timhaka ta kutiva hi wona Moya lowo; a munwani i kuma kukholwa hi wona Moya lowu; ni munwani a zinyikiwo za ku hanyisa vababyi hi wona Moya lowo munwe. Ka munwani ku nyikiwa ku tira zihlamaliso; ni ka munwani a ku profeta; ni ka munwani a ku pima mimoya; ni ka munwani a ku wulawula a tirimi ti tsalangeneko, ni ka munwani a ku tlhamusela tirimi.

Kanilezi zontlhe lezi zi tiriwa hi walowo Moya munwe, lowu wu avelako ka munwe ni munwani hi laha wu ranzako ha kona.

lezaku kasi ku fela ku kala ku nga hi kona a kuhambana mirini; kasi a ziro zi fela ku zwelana.

Makunu a zinyikiwo zi hambene, kanilezi a Moya munwe. Ma kona matirela ma hambeneko, kanilezi a Hosi njinwe. Yi kona mitiro yi hambeneko, kanilezi Nungungulu munwe, loyi a tirako zontlhe ka vontlhe.

Nungungulu i yimisile vanhu lomu bandleni, kuranga a ku maha vapostoli, ku gamela vaprofeti, a ka wunharu vagonzisi; zonake a vanwani vatiri va zihlamaliso, ni vanwani va nga ni zinyikiwo za ku hanyisa vababyi, ni va ku hlayisa zisiwana, ni vaangameli, ni lava va wulawulako tirimi ti tsalangeneko.

Hakuva a miri a hi xiro xinwe ntsena, kanilezi zi tele.

Kokwihi! A ziro za miri lezi zi nge khwatsi zi na ni gome, za laveka nguvu.

Loku a miri wontihe wu wa hi tihlo, ngha ku hi kwihi kuzwa ke? Loku wontihe wu wa hi kuzwa, ngha ku hi kwihi kunuheta ke? Kanilezi Nungungulu i lungelele a xiro xinwe ni xinwani laha ka miri, kota lezi zi nga mu tsakisa. Loku zontlhe zi wa hi xiro xinwe, ngha wu hi kwihi a miri ke?