Popular Bible Verses from Mavingu 3

Share

Tumba PFHUMU Nungungulu khu monyo wago watshavbo, u nga tumbi basi wugengeli wago! Alakanya Uye dzindzilani gwago gwatshavbo, Uye a na lulamisa dzindzila dzago.

U nga dzi giri gigengeli mbeli Gwaye, thava PFHUMU Nungungulu, u hambana ni silo nya guvivbe.

Rungudza PFHUMU Nungungulu khu silo u gu naso, ni mihandro nya guhegule ya mahangeni gwago. Sisangala sago si na tala khu mavbila, ni miphongolo yago yi na tala khu wadwa.

Wuhindzi ni gutumbega u nga hambani naso! Si hungelele thamoni gwago, u si lova monyoni gwago!

Mwanangu, u nga bombi gu kawukwa khu PFHUMU Nungungulu, a gu gu tsayisa, u nga gorogi. Kholu Pfhumu a gu kawuka uye a mu golago, kha nga babe a vbwetago wuwadi ga gyanana gyaye.

Mwanangu, u nga divali nayo wangu, aholu vega monyoni gwago sirumo sangu, kholu si na gu engedzela matshigu yago nya guvbanye, si andrisa ni gu rudzisa womi wago.

Kategide muthu wule a manidego guti ni mapimo kholu guti gu ngu phasa guvbindra parata, ni mihandro yaye ya guvbindra ndralama nya guhutwe. Guti gu na ni lisima guvbindra sombo nya gukhedzige, gimwalo igyo u yelago gu gi gola nya gufanane ni ugo.

U nga bombi gu ninga giphaso ga oyu hamugago gya gu bani giri mandzani gwago.

Khu guti, PFHUMU Nungungulu a di vanga siseketelo nya litigo, a emisa damboni khu gupimisa.