Popular Bible Verses from Mavingu 4

Share

Guvbindra silo satshavbo, vegedza monyo wago, kholu khumo gu guromo guvbanya gwago.

Khedza ndzila u gimbilago khiyo, dzindzila dzago dzatshavbo dzi na lulame!

U nga tshuki u dusa sihonohono khu kanani gwago, hambana ni magana nya sihonohono.

Guti gilo nya guphele, gu gole, zama khu satshavbo u gu naso gasi u mane wugengeli.

Aholu ndzila ya va nya gululama ya gu wenengedza kha nga wuronga nya gugye, wu wenengedzago kala gu gira safa nya mihani. Aholu ndzila ya va nya guvivbedwa khu myonyo ya gu fanana ni gidema nya guthise, va gumba wona ni gilo gi va ghumulago.

U nga hambani ni guti, kholu gu na gu sayisa, gu gole, kholu gu na guvbanyisa.

Vegedza gwadi sihevbudzo, u nga si digi si sayise, kholu khiso womi wago.

U nga gimbili khu sindzilana sa va nya guvivbedwa khu monyo, ambari gu longoloka ni sighohi.

Yingisani, vanavangu, sileletelo sa babe mu tule dzindzeve gasi mu kodze gupwisisa.