Popular Bible Verses from Mavingu 11

Share

Hefemulo wa muthu nya wuhindzi wu na hodza wu eneledwa, ni wule a thawuludzago libogo a ningela, uye nuye a na ningwa.

Muthu a ningago khu wuhindzi nya wungi, a gu wona thomba yaye na yi gu engedzelana, aholu uye a girago ligungo guvbindra muthu nya gululame, a na vbeledwa khiso.

Avbo gu guromo matshandza, dzomo gambe dzitshoni, aholu ga avo va dzi nogisago, gomo guti.

Khu gu hamugega muthangeli nya mapimo litigo guthega, aholu gwa gu tala madhota, li na vbanyiswa.

Handro wa muthu nya gululame, simbo wu ningago womi, muthu a dwanelago mihefemulo, muthu nya guti.

Muthu nya mapongowongo a gu tugudzisa misihalo, aholu uye nya gutumbege, a gu siha misihalo.

Muthu nya wadi a gu nengedzisa hefemulo waye, aholu uye nyambasi wadi, a gu pwisa wuvi mili waye.

Uye a tumbago thomba yaye a na theswa khiyo, aholu avo valulamidego va na nyuga kha nga simbo wu thelago nyenvu.

Dzithomba kha dzi gu phasi khu litshigu nya likhulo la Nungungulu, aholu gululama gu ngu guvbulugisa lufuni.

Gutumbega ga valulamidego gu na va hetedza, aholu manyala ya sighohi, ma gu va mbembisa.

Nyamayi nya wumburi nari mwalo mapimo, a gu fanana ni lisindra nya ndralama thonvuni nya khumba.

Gikalo nya wudambane manyala ga PFHUMU Nungungulu, aholu Uye a gu nengela khu pimo nya lisine.