1
Isaya 25:1
Bhibhiliya Nya Guage
BGG2014
Uwe Pfhumu, khuwe Nungungulu wangu; nyi na khusedza ni gudhumisa lina lago, kholu u giride silo nya gusamadzise; u landriside khu gutumbega ni gutiya makungo u ma hungidego khu gale.
Compare
Explore Isaya 25:1
2
Isaya 25:8
A na fuvisa gufa kala gupindruga; Mune PFHUMU Nungungulu a na bavbula marongo dzikhovbeni gwatshavbo, a na dusa dzitshoni ga vathu vaye mafuni gwatshavbo, kholu PFHUMU Nungungulu ganede kharato.
Explore Isaya 25:8
3
Isaya 25:9
Khu litshigu lolo, va na ganela, khavo: “Wonani, oyu khu Nungungulu wathu, hi mu tumbidego a na hi vbanyisa, khuye PFHUMU Nungungulu, oyu hi mu viredego, hi na tsake hi nengele khu guvbanyisa gwaye!”
Explore Isaya 25:9
4
Isaya 25:7
PFHUMU Nungungulu a na pferula gigomoni momu mwendra nya gilendra, wu fenengedzago vathu nya mayigo yatshavbo ni mwendra wu fenengedzago mafumbo yatshavbo nya mayigo.
Explore Isaya 25:7
5
Isaya 25:6
Gigomoni momu, PFHUMU Nungungulu nya Tshivba Yatshavbo, a na dongisela buzo nya khongolo ga vathu vatshavbo va tigoni, buzo nya nyama nya gunone, ni vbinyu nya gutshambe gwadi, guhodza nya mafura nya guphudwe gwadi, vbinyu nya guvave nya gutshambe gwadi.
Explore Isaya 25:6