Popular Bible Verses from Isaya 26

Share

Uwe PFHUMU Nungungulu, u ngu ninga gurula vathu mapimo yawe ma khedziselago Uwe, kholu va ngu tumba Uwe.

Tumbani PFHUMU Nungungulu khavbo gu si vbeligo; kholu PFHUMU Nungungulu, khuye giwindri nya gusihale avbo, kala gupindruga.

Hefemulo wangu wa gu vbweta uwe wutshigu watshavbo, gu ngari dzimindrudzile, hefemulo wangu wa gu vbweta uwe; kholu milayo yago yi ngu gimbidzisa vathu mafuni, vathu va tigoni, va na hevbule gululama.

Uwe PFHUMU Nungungulu, u na hi ninga gurula, kholu khuwe u hi giredego mithumo yathu yatshavbo.

Hi ngu lirela gulamula gwago PFHUMU Nungungulu. Gusuva gwathu nya gukhongolo, khu gu alakanya lina lago.

Ndzila ya wule a lulamidego khya lisine, uwe u lulamidego guvbindrisa, agisa ndzila ya vale va lulamidego.

Kholu a ngu thesa avo va vbanyago malangani nya gukhugege, ni gu thesa vbavbatshi lidhoropa li dzi khusedzago, a pfhungumula lidhoropa lawe, a li thesa vbavbatshi li khala kudzudzwane.

Tulani malimba gasi vathu va lulamidego, vathu nya gutumbege va ta bela.