Popular Bible Verses from Muhevbudzi 5

Share

U nga vbiredzeli gu tula likana lago, nyamba phela khu gu pimisa u tutumela gu ganela malito mbeli ga Nungungulu; kholu Uye womo vbatshani ndzadzini, uwe u womo vbavbatshi mafuni; khu guralo, magana yago ma na khale madugwana.

Muthu a gu ningwa khu Nungungulu sigiro nya singi, thomba ni tshivba nya gu si hodze, a bonga iso a ningidwego, a tsaka khu handro nya thumo waye, egi giningwa gya Nungungulu.

Muthu a golago dzitsapawu gima kha eneledwi khidzo, ni wule a golago dzithomba gima kha kodwi khu gughanya. Esi niso gu dzi pfhadza, kha si phasi gilo.

Khedza ngondro wago umo wu gandrago wa gu bani u bela Nyumbani gwa Nungungulu. Hi dzimela gasi guya yingisa, esi si ngu phasa ngudzu guvbindra dzimhamba dza sipumbu, kholu sipumbu kha si dziti nya gukhiso sa gu gira silo nya guvivbe.

Wa gu hunga gifungo ni Nungungulu, vbiredzela gu gi tadzisa, kholu Nungungulu kha tsakiswi khu vathu nya guvivbedwe khu myonyo. Khu guralo, tadzisa gisambanyo gyago.

I tshukwana gumba dzi girela gifungo, guvbindra gu gira gifungo u si gi landrisi.

Muthumegeli, gani a gu mana nya singi mwendro nya sidugwane, uye a gu lala ligovbe nya gutenge, aholu gukhura ga muthu nya gitetema kha gu mu ningi ligovbe.

Kha nga a dugidego khu ndrani ga mayi waye nyamba ambala gilo, kharato gambe a na bwelela nyambana gilo.