Popular Bible Verses from Muhevbudzi 4

Share

I tshukwana gu vbanya na muri vavili, guvbindra guvbanya nuri moyo, kholu mu na phasega ngudzu thumoni gwanu. A gu thega moyo a na wuswa khu mumbe. Aholu libango ga muthu a vbanyago enga kholu; a gu thega, mwalo a na mu wusago.

Muthu a gu bani ari uye enga a ngu padwa khu gighevenga, aholu va gu bani vari vavili va ngu gi tutumisa; lidzoke li vboridwego li bhanywa khu dzingodzi dzitharu kha li kavigi khu guvbiredza.

Avo gambe, va gu lala na vari vavili va na furumedzana; aholu a gu bani nari moyo, a na kodza kharini gu dzi furumedza?

Gyandza gimwegyo basi nya muthu nya gurule, guvbindra mandza mavili nya muthu nya wughimaghima khu gu dzi garadza ngudzu; ugogo nugo gututuma hwane nya phuvbo yi vbindrago.

Nyi wonide gambe esi: Vatshavbo vale va dzi garadzago khu gu vbweta gudugelela mithumoni, va gu girwa khu lidiwo ni liphuvbo nya mapalisana vbakari nya vathu vakwawe, esi niso nya gu si wona na si si phasi gilo, gu dzi pfhadza ni gu tutuma hwane nya phuvbo yi vbindrago.

Lidzaha nya gugengele ambari nari gisiwana, li ngu vbindra mufumeli a gumbidego, nari gipumbu, a si dzumeligo gu kawukwa.