Popular Bible Verses from Dhewuteronome 4

Share

Khu iyoyo, u naya vbweta PFHUMU Nungungulu wago, gambe u na mu mana, wa gu mu vbweta khu monyo wago watshavbo, ni hefemulo wago watshavbo.

khu guralo, PFHUMU Nungungulu wago, a gu Nungungulu nya wuhindzi, kha na diga gu gu tangadzisa, kha na gu mbembisa, gambe Uye kha na divala gidzumeledzwano a sambanyidego ga vababe vago.

Kholu PFHUMU Nungungulu wago, nilo wu dagaredzisago, Nungungulu nya wufu.

Dzi vegedze uwe mune basi, u vegedza gambe gwadi hefemulo wago, u nga divali silo sile u si wonidego khu maho yago, si nga hidzimeli hwindzo ni monyo wago matshigu yatshavbo nya guvbanye gwago, u na si hevbudza ga sanana sago ni ga situgulwana sago.

Khu guralo, muhuno, u na dziti ni gupimisa monyoni gwago gukhuwe Pfhumu khuye basi Nungungulu a guromo ndzadzini ni mafuni; mwalo mumbe.

Kholu, khu levbini limbe litigo li gu na ni vanungungulu va guromo vbafuvbi gwawe nya gufanane ni PFHUMU Nungungulu wathu, ga dzinyondro dzatshavbo hi mu lombelelago?

Gikhati u na manago sigaradzo, ni silo satshavbo soso si na gu vbohelago khu matshigu nya guhegise, u wuya ga PFHUMU Nungungulu wago, u yingisa lito laye

Mu nga engedzeli gilo ga magana nyi mi rumago, gambe mu nga vbunguli gilo, gasi mu vegedze sirumo sa PFHUMU Nungungulu wanu, kha nga edzi nyi mi ningago khidzo.