Popular Bible Verses from Dhewuteronome 1

Share

PFHUMU Nungungulu wanu, a na thanga mbeli gwanu, Uye a na mi dwanelani kha nga iso a hi giredego, na mu gu si wona khu maho yanu, tigoni ga Egipito, niso a giridego gambe giwulani, avbo mu wonidego nya gukhenu PFHUMU Nungungulu wanu, Uye a mu pharide khu libogo kha nga muthu a pharago gyanana gyaye khu libogo, ndzilani gwatshavbo mu gimbidego, kala mu ta vboha wulanga wowu.

PFHUMU Nungungulu wa vababe vanu, a na mi gire mu andra guvbindra likhumi mazana dzinyondro dzi wuyeledwago khu likhumi mazana guvbindra tengo mu gu uwo, bwelo a mi kategisa, kha nga a mi tumbisidego khidzo.

PFHUMU Nungungulu wathu a hi embede na hiri gigomoni ga Horebhi, khuye: “Mu khade gikhati nya gingi mugigomoni momu.”

Khilo eli litigo nyi li vegidego mbeli gwanu; belani mu fumela litigo PFHUMU Nungungulu, a ningidego khu gu sambanya ga vababe vanu, Abrahama, Isaki ni Jakobe, gwawe ni ga livelego lawe li nga gutago.

Mu nga lamuli khu gihathela, yingisani uye nya dugwana kha nga uye nya khongolo; mu nga thavi khovbe ya muthu, kholu gulamula khwa Nungungulu; aholu mahungu ma na gu mu garadzelago ma reseni eno gwangu, eni nyi nata ma yingisa.