Popular Bible Verses from Mateo 28

Share

Tsaymi maytsay markakunapapis aywar discïpulü kayänanpä runakunata yachatsiyanki. Paykunata bautizayanki Tayta Diospa jutinchö, Tsurinpa jutinchö y Espíritu Santupa jutinchö. Tsaynölla llapan ninqäkunata cäsuyänanpä yachatsiyanki. Noqaqa qamkunawanmi imaypis kaykäshä kay patsa ushakanqanyaq>>. [Amén.]

Discïpulunkunaman witiykurmi Jesús nirqan: <<Kay patsachö y ciëluchöpis llapanpä poderyuq kanäpämi Tayta Dios churamashqa.

Warmikuna chaykuyaptinmi ángel nirqan: <<Ama mantsakäyaytsu. Musyämi crucificayanqan Jesúspa ayanta rikaq shayämunqaykita. Manam kaychönatsu. Kawamunanpä ninqannöllam kawamushqa. Mayman churayanqantapis rikayänaykipä shayämuy.

Jesúsnam nirqan: <<Ama mantsayämaytsu. Aywar wawqïkunata willayay Galileaman aywayänanpä. Tsaychönam paykunawan tinkushä>>.

Willayaptinmi mandaq sacerdötikuna Israel mayor runakunawan qorikaykur imata rurayänanpäpis willanakuyarqan. Tsaynö willanakuskirmi soldädukunata atska qellayta pägar niyarqan: <<Runakunata niyanki Jesúspa discïpulunkuna paqaspa aywar ayanta suwar apakuyanqanta. Tsaynölla niyanki punukashqa kar imatapis mana mayayanqaykita. Pilato musyaptinqa noqakunam paywan parlayäshä mana castigayäshunaykipä>>. Tsaymi päguta chaskiskir soldädukuna aywarnin mandaq sacerdötikuna niyanqannölla runakunata willayarqan. Tsaynö willayanqantam Israel runakuna hasta kananyaqpis criyiyan.