Popular Bible Verses from Mateo 27

Share

Tsay höram jinchipa Jesús nirqan: <<Elí, Elí, ¿lama sabactani?>> Tsay ninanqa <<Tayta Dios, Tayta Dios, ¿imanirtä dëjamanki?>> ninanmi.

Tsay höram templu rurinchö tsaparaq cortïna janapita urayaq rachiskirqan. Patsa pasaypa kuyuptinmi qaqakunapis partikäyarqan. Sepultürakunapis kichakaptinmi Tayta Dios munanqannö kawaq runakunapis kawayämurqan.

Tsaypitanam yapay jinchipa qayaraskir Jesús wanuskirqan.

Jesústa täpaq capitán y soldädunkunam patsa kuyuqta mayar y llapan päsanqankunata rikar pasaypa mantsakar niyarqan: <<¡Rasunpam kay runaqa Diospa Tsurin kashqa!>>

Pullan junaqpita hasta las tresyaqmi patsa tsakaskirqan.

Pilatunam nirqan: <<Tsayöraqa Cristo ninqan Jesústa ¿imatatä rurashä?>> Tsaynö niptinmi llapan niyarqan: <<¡Crucificay!>> Pilatunam tapurqan: <<¿Ima jutsatatä rurashqa?>> Tsaynö niptinpis runakuna masrä qayararmi niyarqan: <<¡Crucificay!>>