Popular Bible Verses from O KOLOSE 3

Share

Ngini kiani nisabari moi de moika, deʼ nimahika apongo nako naga o hininga nia gogono mahomoaika. O Jou de Ai hininga i sosanangi winihi apongo ngini, ho nginiö kiani nimau nimahika apongo moi de moi.

Nia dibanga nihimeta o hali-o hali genangika, uha o hali-o hali o duniaka.

O manarama okia dika inihi döaka nginika, kiani ngini nia manarama de nia hininga magahumu, matero-tero ngini niwi leleani ma Jou, de duga-duga ko o nyawa ikaua.

Riadodoto ganga ma Jou Madutu ai umati. Ma Jou Madutu winihininga ngini deʼ wini iriki ngini mangale nidadi to Unanga womadinga-dingakoka. Hababu gënanga ngini kiani nihimatoko nia dora de nia hayanga, ngini kiani nia hininga yaoa, nia hininga i tipokouku, nia hininga i bole-bole, deʼ nitäna o hangihara.

Kokiani o Kristus ai dodötoko i omanga o barakati yawomo nia hininga magoronaka. De kiani duru nimasosawaro nima kodotoko deʼ nima hikodöaka mangale. Ni hi nyanyi o mazmur deʼ nipuji de o rohani manyanyi, ninyanyi mangale ma Jou Madutu de nia mamäo o sukur nia hininga magoronaka. Hagala okia ngini niadiai ekola nihi demo, kiani niadiai deʼ nihi demo gënanga de ma Jou Yesus ai romanga. Ni sukur o Ama ma Jou Madutuika mangale o Yesus okia wadiai nginika.

Deʼ duru mal̄okuoka, enagënanga: Ngini kiani nimakodora hababu o dora gënanga inihidadi moioka Roriadodoto mata-mata hiädono nidadi itiai.

Ngini inihi wangokali nima kinïki de o Kristus. Hababu gënanga ngini kiani nihidailako mangale nia mäke o hali-o hali o horogaka, kiaka o Kristus wopareta imanïki de ma Jou Madutu.

Kokiani nia putuhu-putuhu ihi tatapu o dame o Kristus winihi döa-döakoka nia hininga magoronaka. Hababu ma Jou Madutu wini ahoko ngini mangale nidadi o röehe moi mahidoku, hupaya ngini niwango o dame magoronaka o Kristusino gënanga. Kokiani ngini nitarima kasi.

Hababu gënanga, nia hohonengoka o dunia manahihu ihihü huha nia diri, hokä o hudali, o hali-o hali i patu-patutua yamoteke manga hininga ma nahihu, o nahihu i to torou, deʼ o kal̄il̄u (karana o kal̄il̄u ganga kaima däene de yahuba o gomanga).

Hababu ngini nihonengoka deʼ nia ngango i iunika de o Kristus ma Jou Madutuoka.

Mä oraha nënanga kiani ngini nia umo o hali-o hali itotorou nia dirino; i bötohi ningamo, ekola nitodohata, ekola niä igoua nia hiningaka o nyawa mahomoaika. Uha hakali-kali i hupu nia uruiha o doa-doana mademo ekola o demo ipese-peseke.

Uha nima kokeluku moi de moi, hababu nia ngango i hira-hira de hagala mabiaha ngini nia mal̄aka. Oraha nënanga ngini inihi döakoka o ngango mahungi. Ngini ganga o nyawa mahungi, magogiria de madodogumu koiwa wahungi mangale wohidö dadadi, enagënanga ma Jou Madutu, i moteke Ai rupa mahirete. Madungutu enagënanga la ngini niwi näko de madiai ma Jou Madutu.

Roriadodoto nidadi o rokata! Nia dora nia hekatika. Uha nia dodobuturungu onangika.

Ngoha-ngohaka! Ganga tingini nia momoteke hokä o Haranioka manyawa mangale hoko genangika nia hingounu nia ayo de nia amaika, karana genangala yasosanangi ma Jou Madutu ai hininga.

Roriadodoto nidadi o hekata! Nia hingounu nia rokatika, hababu kokiani hoko gënanga nia manarama hokä o Haranioka manyawa.