Popular Bible Verses from O YOHANIS MADODIHIRAKA 3

Share

Ahi ngoha-ngohaka! Uha ngone homateke hininga duga-duga kananga uruoka ekola duga-duga kananga demo dika. Kiani ngone homateke hininga de o dora madutu, hohimatoko de tongone nanga manarama.

De mangëkomo nenangala ngone hohiöriki madodagi hahininga nanga dodiawo o nyawa: O Kristus womahilapahioka Ai ngango mangale ngone. Hababu gënanga, ngoneö kiani hohilapahi nanga ngango mangale tongone nanga roriadodoto!

Niolega hokokia ma Jou Madutu wonahininga ngone, hiädono wonahi goungu ngone hokä Ai ngoha-ngohaka. Deʼ igoungu ngone ganga ma Jou Madutu ai ngoha-ngohaka. Hababu gënanga o dunia itotorou nënanga inanakoua ngone, hababu o dunia iwi nakoua ma Jou Madutu.

Mä o nyawa kahoko genangika yodiai o baradoha ganga o Ibilihi mangoha-ngohaka, hababu kaöraha mahirahi o Ibilihi ibaradoha. Mangale nënanga ma Jou Madutu ai Ngohaka woböa, enagënanga mangale wawedere o Ibilihi mamanarama.

O nyawa yodadioka ma Jou Madutu ai Ngohaka, kahoko genangikaua yodiai o baradoha, hababu ma Jou Madutu mahirete Ai biaha naga onangoka. Deʼ karana ma Jou Madutu gënanga ai Ama, Unanga wakunua hoko genangika wodiai o baradoha.

Nako o nyawa womatëngo ai kiahonanga de maenangoka, wamäke ai riadodoto manga kia-kiaua, mä woluku wariwo ai riadodoto gënanga, sarakia o nyawa gënanga yakunu wotemo ünanga wihininga ma Jou Madutu?

O nyawa mata-mata ihi ngou-ngounu ma Jou Madutu ai pareta-paretaika, yowango kamoi de ma Jou Madutu deʼ ma Jou Madutu kamoi de önanga. Deʼ ngone hohiöriki ma Jou Madutu wowango kamoi de ngone, karana Unanga wonahidöakoka ai Womaha ngoneino.

Mahi dogoronaka nenangala ima howono ma Jou Madutu ai ngoha-ngohaka de o Ibilihi mangoha-ngohaka: o nagona honanga yadiai ua ma Jou Madutu ai mau, ekola yahiningaua manga riadodoto, ünanga ma Jou Madutu ai ngohakua.

Oraha kama dodihirakahi inihi adonoka o abari nënanga nginika: Ngone kiani homateke hininga moi de moika.

Hababu gënanga, ahi Roriadodoto, uha nihëranga nako o dunia manyawa nënanga inï dohata ngini.