Popular Bible Verses from ROMA 13

Share

Laguq kadu Junjungan Saq Mulie Deside Isa Almasih sebagé perlengkapan senjate terang. Dait ndaq turut keméléq awak saq bedose jari muasang hawe napsu.

Ndaq berutang napi juaq léq sai-sai, laguq side pade harus saling kasihin sopoq kance lainne. Séngaq dengan saq ngasihin sepadene manusie, ie sampun sepenoqne ngelaksaneang Hukum Taurat.

Sebilang dengan harus tunduk léq pemréntah, séngaq ndéq araq pemréntah saq ndéq berasal léman Allah. Dait pemréntah saq araq tetentuang siq Allah.

Kelem gen liwat dait seberaq malik gen jari menah. Keranaq nike silaq ite engkah gawéq perbuatan-perbuatan saq jahat. Ite harus kadu perlengkapan senjate terang.

Dengan saq ngasihin sepade manusie ndéqne gen gawéq kejahatan léq sepadene. Jari dengan saq ngasihin sepade manusie, ie sampun sepenoqne ngelaksaneang Hukum Taurat.

Béng tipaq selapuq dengan saq patut side béng: Bayah pajek side pade lamun side pade tewajibang bayah, dait bayah dudukan lamun side pade tewajibang bayah dudukan. Takut léq dengan saq patut tetakutang dait hormatin dengan saq patut tehormatin.