Popular Bible Verses from ROMA 12

Share

Ndaq turut kebiasean dunie niki, laguq robah diriqde mésaq siq pembaruan budi side pade, adéq bau bédeang pekayunan Allah: Saq solah, saq nyenengang Allah, dait saq sempurne.

Semeton-semeton senamian! Siq kemurahan Allah léq ite, sanget siq tiang tunas adéq side pade serahang diriqde jari kurban saq idup, saq suci dait nyenengang Allah. Seharusne maraq niki ibadah side pade tipaq Allah.

Pade besukecite dalem pengharepan, pade sabar léq segale macem kesusahan dait tetep bedo'e.

Ndaq tekalahang siq kejahatan. Laguq side pade harus kalahang kejahatan nike siq hal saq solah.

Side pade harus saling kasihin sopoq kance saq lain maraq dengan besemetonan dait side pade harus saling senjuluq ngebéng hormat.

Kasihde nike harus ndéq puraq-puraq. Jaoqin selapuq hal saq jahat, dait laksaneang saq solah.

Usaheang léq pihak side pade adéqne idup damé kance selapuq dengan.

Semeton senamian saq tiang kasihin, ndaq gati bales dendem, alurang Allah saq ngukum. Séngaq araq tetulis léq Kitab Suci: “Pembalesan nike hak Tiang. Tiang gen nuntut pembalesan, manik Allah.”

Pade begawéan rajin-rajin, ndaq mayus. Besemanget ngelayanin Tuhan.

Allah sampun ngicanin tiang rahmat, keranaq nike tiang naséhatin side pade selapuq: Ndaq side pade merase atasan léman saq setetune. Sebalikne side pade harus anggep diriq sewajarne. Sebilang dengan harus serioq diriqne menurut iman saq teicanin siq Allah.

Ndaq bales kejahatan siq kejahatan, laksaneang napi saq kenaq tipaq selapuq dengan.

Pade idup secare rukun sopoq kance saq lainne. Ndaq kajuman, laguq jauq diriqde léq hal-hal saq sederhane. Ndaq anggep diriqde pinteran léman saq setetune.

Sebalikne lamun musuh side pade lapah, béng ie ngelor; dait lamun ie bedak béng ie nginem, séngaq siq piaq hal nike side pade miaq ie ilaq.

Pade tunas berkah léman Allah umaq dengan-dengan saq nganiaye side pade. Ndaq side pade kutuk ie. Milu begembire kance dengan-dengan saq gembire, dait nangis kance dengan saq nangis.

Pade tulung semeton-semetonde saq kekurangan dait béng nyodoq léq balé side pade!

Awakte bedowé luwéq bagian, sopoq-sopoq bagian bedowé tugas mésaq. Maraq nike éndah ite dalem Deside Isa Almasih. Timaqne luwéq, setetune ite maraq sopoq awak. Dait ite sopoq kance saq lainne saling berubungan jari bagian-bagian léq dalem sopoq awak.