Popular Bible Verses from FILIFI 3

Share

Pasetne, Saudaro-saudaro, uku sesungguakne coa meding bahwo uku sudo berasea mbut hadiah o. Bakea tapi ade do hal de uku mbut, adeba uku mlupo jano de ade neak belakang uku ngen sungguak-sungguak berusaho utuk dapet jano de ade neak adep uku. Do'o sebabne uku melilai terus sapei moi tujuan akhir utuk dapet kemenangan, adeba idup neak surgo; utuk do'oba Allah menok ite liwet Kristus Yesus.

Do-done de uku lok adeba supayo uku kemnal Kristus, ngen meding kuaso de midup Si kunei matei. Uku lok milau saro ngen Si ngen jijai serai awei Si lem hal kematian-Ne. Ngen uku ma'ep bahwo uku suang bakea nidup igai kunei matei.

Iso bae hal-hal o; tapi kute sesuaktau uku manggap sebagoi hal-hal de cuma jijai rugai bae. De uku temuan uyo yo adeba lebiak bego: adeba kemnal Kristus Yesus, Tuhanku. Kerno Kristus, mako uku bi temanggea kekutene. Uku anggap kutene o sebagoi sampah bae, supayo uku dapet Kristus

Tapi kerno Kristus, mako kutene de bel'o uku manggap sebagoi sesuaktau de mbin utung, uyo jijai sesuaktau de menea rugai.