Popular Bible Verses from FILIFI 2

Share

Jibeakba menea sesuaktau kerno kepentingan suang, atau utuk ombong. Sebelekne lokba udi memasing ngen rendeak atei manggap tun luyen lebiak kunei dirai suang. Kenliakba kepentingan tun luyen; jibaek cuma kepentingan suang.

Lokbah udi bejiwo awei Yesus Kristus

Pado dasarne Si serai ngen Allah, tapi Si coa meding bahwo keadaan-Ne de ilahi o harus tena'en-Ne. Sebelekne, Si temanggea kutene lajau jijai awei suang hamba. Si jijai awei manusio, ngen keten idup awei manusio. Si merendeak dirai, ngen idup taat ngen Allah sapei matei – adeba matei senalib.

kerno Allahba de kemerjo neak lem dirainu utuk menea udi rela ngen sanggup semnang atei Allah.

Sebab do'oba Allah maket Yesus leleketne, serto melei ngen-Ne kekuasaan de lebiak lai kunei pado kute kekuasaan de luyen. Mako utuk menghormati Yesus, kute makhluk de neak surgo, ngen de neak bumai, serto de neak beak bumai, bakea nyembeak Si. Tobo'o kutene bakea makau bahwo Yesus Kristusba Tuhan; ngen awei yo mulioba Allah Bapa.

Kenerjoba kute sesuaktau ngen coa ngerunyam atau betekea. Supayo udi coa ade aib ngen coa ade noda, sebagai anok-anok Allah de coa ade cacet, neak tengeak-tengeak tun-tun kidek ngen seset yo, sehinggo udi becahayo neak antaro tobo'o awei bitang-bitang neak dunio.

Saudaro-saudaroku de tekasiak, ko bogoa taat; kerno'o tepba kemerjo keselamatamnu ngen saben ngen gentar, iso bae awei waktau uku masiak ade, tapi lebiak igai uyo waktau uku coa ade