Popular Bible Verses from IBRANI 5

Share

Kembuk de telo adeba utuk tun lai de kerno pengalaman, bi dapet mbeda ipe de baik ngen coa.

Sebeneane bi waktaune bagiaknu utuk jijai gu'au, tapi nyatone udi masiak perlu belajea kunei tun luyen tetang syari'ah ajaran Allah. Udi dapet temimo kembuk de telo; udi masiak harus mbuk susu bae. Tun de masiak mbuk susu, taine si masiak titik; si ati ade pengalaman tetang jano de benea ngen jano de saleak.

Yesus adeba Anok Allah, tapi kunyau awei o, Si belajea jijai taat liwet penderitaan-Ne. Mako sesudo Si jenijai penyelamat de sempurno, Si jijai sumber keselamatan de kekal bagiak kute tun de taat ngen-Si

Pado waktau Yesus idup neak dunio yo, Si bedu'o, bekinoi ngen sungguak-sungguak pado Allah, de sanggup semlamat-Ne kunei matei. Ngen kerno Si tunduk ngen Allah seca'o hormat, mako Si teni'uk.