Popular Bible Verses from IBRANI 4

Share

Kecek Allah adeba kecek de idup ngen kuet; lebiak tajem kunei pedang matai duai. Kecek o menikem sapei moi batas antaro jiwo ngen roh; sapei moi batas antaro sesendai telan sumsum, sehinggo namen lebiak lem pekeran ngen niat atei manusio.

Kerno o, maroba ite ngen kembiak binai madep Allah de meriteak ngen baik atei. Allah bakea selen ngen ite, memberkati ite supayo ite dapet pertolongan tepat pado waktaune.

Imem Lai ite o isoba imem de coa dapet meding kelemahan-kelemahan ite. Se belek ne, Si sudo cenubo lem kute hal, serai awei ite suang; cuma Si coa menea duso!

Coa ade do makhluk kulo de coa keten kunei pandangan Allah. Kute sesuaktau tukok neak adep-Ne. Ngen ite harus melei tanggung jawab ngen-Si.

Do'oba sebabne ite harus be pegong teguh pado kepercayaan ite. Sebab ite temuan Imem Lai de lai, de sudo masuk sapei neak adep Allah – Siba Yesus Anok Allah.

Kerno o, maroba ite berusaho sungguak-sungguak utuk temimo istirahat de jenanjai Allah o. Jibeak sapei suang kulo kunei ite gagal awei tobo'o bel'o, kerno coa pecayo ngen Allah.