Popular Bible Verses from VAHEBURAINA 4

Share

Likuva lia Nyasaye liveeye mwoyo, kandi liveeye nizinguru, kandi liveeye liugi kuvita kivavi chu vwugi zimbega ziombi. Litumitaa kuduuka hu mwoyo na roho viaganiraa, kuduuka hi viungu nuvuhaale viaganiraa. Likalagira liegomba kandi zing'anagani ziu mwoyo gwu mundu.

Kunangwa, gendi kuluviliri kwisunda ahimbi kondeve yu vwami vwa Nyasaye, hi zimbavasi ziveeye. Ahene yaho, kulanyoola livererwa kandi zimbavasi ziukokokoonya lwa kuzienya.

Musaalisi Munene wiitu siaveeye uyu utanyala kovererera vodedekere vwitu mba. Munzira yindi, kunyi koveeye nu Musaalisi Munene, wagerizwa mu vindu viosi kuli kunyi kogerizwa, navuzwa siyakola vwoni mba.

Sihaveeye ho ni kindu kinyala kuviswa ku Nyasaye, vindu viosi vialombwa, viamanywa havulavu imbiri wizimoni zizie. Uyu niyie Nyasaye wa kulihaana kuye makuva gi vikolwa vietu.

Maku gendi kugumiri vudinyu ligali lieyama lisuuvira lietu lia kovora koveeye nu Musaalisi Munene ligali umali kuzia kuduuka mwigulu imbiri wa Nyasaye naye ni, Yeso Mwana wa Nyasaye.

Kunangwa, gendi kwidinyirizi konyoole vosoosi yivwo kunangwa mulala ku kunyi avuli kugwa kuli yavo vaagwa kigira vavura kuva ni lisuuvira.